ට්‍රේඩින් Bias එක ගැන ඇත්ත කතාව! ගොඩක් ට්‍රේඩර්ස්ලාට වරදින්නේ ඇයි සහ ඒක හදාගන්නේ කොහොමද?

​ගොඩක් අයට Bias එක කියන්නේ නිකන්ම අනුමාන කිරීමක් (guess එකක්). "මට හිතෙනවා අද මාකට් එක උඩට යයි කියලා" වගේ හැඟීමක් විතරයි. එහෙමත් නැත්නම් තමන්ගේ open trade එක profit වෙන්න තියෙන වුවමනාව නිසා ඇතිවෙන බලාපොරොත්තුවක් විතරයි.

​ඒක Bias එකක් නෙවෙයි, ඒක නිකන්ම බලාපොරොත්තුවක් (Hope) විතරයි.

​නියම Trading Bias එකක් කියන්නේ Higher Timeframe (HTF) තොරතුරු මත පදනම්ව අපි ගොඩනගාගන්නා Directional Framework එකක්. මේකෙන් අපේ හැඟීම් අයින් කරලා, එක වැදගත් ප්‍රශ්නයකට උත්තර දෙනවා: Price එක ඊළඟට යන්න (Deliver වෙන්න) වැඩිපුරම ඉඩ තියෙන්නේ කොහෙටද?

නියම Bias එකක් කියන්නේ මොකක්ද?

​Bias එකක් හදාගන්නවා කියන්නේ මාකට් එක හැරෙන තැන හරියටම පිප් (Pip) එකෙන් කියන එක නෙවෙයි. ඒකෙන් කරන්නේ මාකට් එකේ දැනට යන කතාව (Narrative එක) තේරුම් ගන්න එකයි. Professional Bias එකක් හදාගන්න විදිහ මෙන්න මේ වගේ.

• ​Higher Timeframe Structure එක: ප්‍රධාන Trend එක මොකක්ද? මාකට් එක දිගටම Higher Highs සහ Higher Lows හදනවාද (Bullish), එහෙමත් නැත්නම් Structure එක පල්ලෙහාට කඩලාද (Bearish)?
• ​Key Levels සහ POIs: ප්‍රධාන Supply සහ Demand Zones වලට සාපේක්ෂව Price එක තියෙන්නේ කොහෙද? මාකට් එක කෙලින්ම Weekly Supply Zone එකක හැප්පෙනවා නම්, ඔයාගේ Bullish Bias එකේ තියෙන බලය අඩු වෙනවා.
• ​Liquidity Hunt එක: සල්ලි (Liquidity) තියෙන්නේ කොහෙද? මාකට් එක හැමවෙලේම යන්නේ Liquidity එකෙන් තවත් Liquidity එකකට. Retail Traders ලාගේ Stop-Losses තියෙන තැන් අඳුරගන්න එකෙන්, Institutional Volume එක Price එක ඊළඟට කොහෙට ගෙනියයිද කියලා හොඳ අදහසක් ගන්න පුළුවන්.
• ​Market Behavior සහ Sweeps: Price එක Respect කරන්නේ මොනවාද? Break කරන්නේ මොනවාද? Price එක කලින් තිබ්බ Highs කඩලා ඊට උඩින් Close වෙන්න ෆේල් වෙනවා නම්, ඒක Breakout එකක් නෙවෙයි. ඒක Liquidity Grab එකක් සහ Bearish පැත්තට හැරෙන්න තියෙන පෙරනිමිත්තක් (Potential Bearish Shift) වෙන්න පුළුවන්.

​මේක අහන්න ලේසි වුණාට, Bias එකට ඇලෙන්නේ නැතුව (Without Attachment) මේක Execute කරන එක ලේසි නෑ.

​අපිට මඟහැරෙන වැදගත්ම දේ: Multi Timeframe Alignment

​හොඳ Bias එකක් හදාගන්න එකේ තවත් වැදගත්ම දෙයක් තමයි, ඔයාගේ Higher Timeframe Bias එක Lower Timeframe Execution එකත් එක්ක Align (ගැලපෙන්න) වෙන්න ඕනේ කියන එක.

​ඔයාගේ Daily Bias එක Bullish නම්, ඔයා 5-Minute එකේ පේන හැම Buy Signal එකම ගන්න හොඳ නෑ. Lower Timeframe එකේ Structure එක (ChoCh) ඔයාගේ Higher Timeframe අදහසට ගැලපෙන විදිහට හැරෙනකන් ඔයා ඉවසන්න ඕනේ. Bias එකෙන් ඔයාට කියනවා මොකක්ද කරන්න ඕනේ කියලා; Lower Timeframe Alignment එකෙන් කියනවා කොයි වෙලාවෙද ඒක කරන්න ඕනේ කියලා.

​අපි කරන ලොකුම වැරැද්ද: Analysis එකට වඩා Attachment එක

​මෙතනදි තමයි ගොඩක් Retail Traders ලාට වරදින්නේ. අපි Confirmation එනකන් ඉවසන්නේ නෑ. අපි Pre-Market Analysis එකේදි Bias එකක් හදාගෙන, ඒ අදහසටම ඇලිලා, Live Market එකේ මොනවා පෙන්නුවත් බලහත්කාරයෙන් ඒ Bias එකටම Trades ගන්න හදනවා. අපි වැරදියි කියලා පේන ලකුණු අපි මගහරිනවා, මොකද අපිට ඕනේ 'අපි හරි' කියලා ඔප්පු කරගන්න. ඒක Analysis නෙවෙයි; ඒක Attachment එකක්.

​නිවැරදි Bias එකක් ඔයාට මඟපෙන්වන්න ඕනේ මිසක්, ඔයාව හිර කරගන්න (Trap) එකක් වෙන්න බැහැ.

​මාකට් එක Open වෙලා ඔයාගේ Bias එකට සම්පූර්ණයෙන්ම විරුද්ධව Price Action එක හැදෙනවා නම් මොකද කරන්නේ? ඒකත් එක්ක ෆයිට් කරන්න යන්න එපා. පස්සට වෙලා ආයෙත් තත්ත්වය විශ්ලේෂණය කරන්න (Reassess). ට්‍රේඩින් වලදි, 'මම හරි' කියලා ඔප්පු කරන එකෙන් ඔයාගේ එකවුන්ට් එකට සතපහක වැඩක් නෑ. Adapt වෙන එකෙන් (තත්ත්වයට හැඩගැහෙන එකෙන්) තමයි Profit එකක් එන්නේ.

​Consistency එකට ෆෝමියුලා එක (The Formula for Consistency)

​දිගටම මාකට් එකේ රැඳිලා ඉඳලා සාර්ථක වෙන්න නම්, ඔයාගේ Ego එක පැත්තකින් තියන්න වෙනවා. මේ පියවර 3 අනුගමනය කරන්න:

1. ​Bias එක හදාගන්න (Build Your Bias): Higher Timeframe Structure එක, Liquidity එක සහ Key Levels පාවිච්චි කරලා Price එක යන්න පුළුවන් දිශාව අඳුරගන්න.
2. ​Alignment වෙනකන් ඉන්න (Wait for Alignment): Lower Timeframes වලින් ඔයාගේ HTF අදහස Confirm කරනකන් ඉවසීමෙන් ඉන්න. මාකට් එකට කලින් දුවන්න යන්න එපා.
3. ​Discipline එකෙන් Execute කරන්න: ඔයාගේ රූල්ස් වලට ගැලපෙනවා නම් කිසිම පැකිලීමකින් තොරව Trade එක ගන්න. හැබැයි මාකට් එකේ කතාව වෙනස් වෙනවා නම් ඉක්මනින් Trade එකෙන් අයින් වෙන්න.

​හැම ටික් එකක්ම (Tick) Predict කරන්න හදන්න එපා. හරියට Framework එකක් හදාගන්න, Adaptable වෙන්න, සහ ඔයාට 'හිතෙන' දේ නෙවෙයි, ඔයාට 'පේන' දේ විතරක් ට්‍රේඩ් කරන්න.

ඊළඟ ලිපියෙන් හමුවෙනකන් ඔයාලා හැමෝටම ජය වේවා!